ഇനി നമുക്ക് മടങ്ങാം...

സന്ധ്യയാകുന്നു . ഇനി നമുക്ക് മടങ്ങാം... സ്വന്തം കൂരയിലേക്ക്‌. മിഴി പൂട്ടി തുറക്കുമ്പോളെക്കും പുലരി വരും.......നാളെയുംതുടരാം നമുക്കീ ജീവിത യാത്ര എന്ന പ്രതീക്ഷയില്‍ ഇപ്പോള്‍ നമുക്ക് മടങ്ങാം. എപ്പോളാണെങ്കിലും ഒരു മടങ്ങിപോക്ക്‌ അനിവാര്യമല്ലേ !!

ലാഭ നഷ്ടങ്ങള്‍ കൂട്ടി കിഴിച്ച് ഒരു പകലുകൂടെ വിടവാങ്ങുന്നു. നാളെവരെ എല്ലാം മറക്കാം .ഇനി നമുക്കല്‍പം വിശ്രമിക്കാം ഒരല്പം വിനോദവും.....

കര്‍മ്മസാക്ഷി...

പ്രഭാതം മുതല്‍ പ്രദോഷം വരെ നിങ്ങളുടെ എല്ലാ സുഖങ്ങളിലും സന്തോഷങ്ങളിലും ഒരു മൂകസാക്ഷിയായി, നിങ്ങളുടെ കര്‍മ്മ സാക്ഷിയായി , ഞാനുമുണ്ടായിരുന്നു ഇവിടെ ! ഒരു ദിവസത്തെ പ്രയ്ത്നങ്ങള്‍ക്കൊടുവില്‍ കാത്തിരിക്കുന്ന പ്രിയപ്പെട്ടവരുടെ അടുത്തെക്കാവും നിങളുടെ യാത്ര. അല്ലെങ്കില്‍ നാളത്തെ സ്വപ്നങ്ങളെയും പ്രതീക്ഷകളെയും താലോലിക്കുകയാവും. നാളയെ പറ്റിയുള്ള സ്വപ്ങ്ങള്‍ സ്വപ്ങ്ങള്‍ മാത്രമാകാതെ യാധാര്‍ത്യമാകട്ടെ ! ആകുലതകളും ദുഖങ്ങളുമൊക്കെ പ്രിയപ്പെട്ടവരുടെ തോളില്‍ചാരി നമുക്കിറക്കിവെക്കാം. വര്‍ണ്ണാഭമായ ഈ സായംസന്ധ്യപോലെതന്നെ വര്‍ണ്ണ മനോഹരവും ,സാന്ദ്ര സന്ധ്യയില്‍ വലംപിരിശംഖില്‍ നിന്നുമുതിരുന്ന ഓംങ്കാരനാദം പോലെ ഇമ്പമുള്ളതുമായിരിക്കട്ടെ നാളത്തെ പുലര്‍കാലം......
കാത്തിരിപ്പുണ്ട്‌ എന്‍റെ വരവും കാത്തു ഭുമിയുടെ മറ്റേ ചെരുവ്.....പ്രതീക്ഷകളുടെ തുടി നാദങ്ങളുമായി ,പുതുമയുടെ കുളിര്‍മഞ്ഞുനിറച്ചു ഒരു ദിനത്തെ വരവേല്‍ക്കാന്‍....